DIDATTICA METEO

Perchè la pioggia
lava l'aria?

20/10/2017 13:32

El buon Gianni Morandi nel 1970 el cantava : “Scende la pioggia ma che fa” … e i Negramaro più de recente i gà risposto con “Cade la pioggia e tutto lava…” perché in effetti uno dei tanti effetti che gà la pioggia quando la casca l’è proprio quela de “lavar” l’aria che respiremo cavandoghe (o meglio portando a terra) tutta lo sporco che ghe se accumula. Na olta (quando no ghera le industrie, le macchine, etc) el sporco l’era più che altro polver ma dalla rivolusion industriale in poi, sto sporco l’è diventà anca tutti i inquinanti che ogni giorno butemo in atmosfera.


Sti inquinanti, nel caso de lunghi periodi sensa pioggia (o sensa vento… ma quel el neta l’aria in un posto ma el le sporca en un altro…), i tende ad accumularse nell’aria portandola a livelli di “qualità” che en termine tecnico podemo definirli : Da schifo, proprio come in sti ultimi giorni.


Ecco quindi che per darghe un taio a na situasion del genere l’unica roba l’è che vegna na bela acqua. Ecco l’acqua per definision la doperemo anca noialtri per lavar le robe perché a forsa de “strusar” na macia de sporco anca solo con l’acqua, quela pian pian la vien via o almeno la se afievolisse. Nell’aria grassie alla pioggia succede la stessa roba… a forsa de piover “el schifo” che ghe in sospension nell’aria el “sparisse” finendo per terra (come el sporco de na maieta el finisse nella vaschetta o nella lavarina).


Ma quale elo sto processo “de sfregamento” che ghe nell’aria? En realtà ghe né mia uno, ma du e i se ciama (all’inglese) : Rainout e Washout.


Adesso provo a spiegarveli en maniera semplice (più che altro per provar a capirme anca mi che son un pel entrego..)


Per parlar del “Rainout” dovemo prima parlar de come se forma la “pioggia” … per prima roba perché se forma la pioggia bisogna che se forma na nuvola.


Non voglio spiegarvi come se forma na nuvola…lo farò ne n’altro momento, per ancò ne basta saver che “el sporco” nell’aria (che el sia polver o che el sia pulviscolo inquinante) l’aiuta el vapore acqueo presente, raggiunta na certa temperatura (bassa), a condensar… se dise che “sto sporco” e funge da “nucleo igroscopio” o “ de consdensasion”.


En pratica, emmaginì na piccola calamita messa en mezo alla polver de ferro: la calamita attrae le micro particelle de ferro attorno a essa e se forma na “roba più grossa” che se vede meio.


Stessa roba nell’aria sti “nuclei de condesasion” attirando le micro goccioline, la fa si che queste le sia “più visibili” sotto forma de nuvola (ah stessa roba succede con le nuvole frede… non le sarà mia micro goccioline, ma micro cristalli de giasso a vederse, ma el risultato l’è che se vede na nuvola).

Ora dentro la nuvola per effetto della “coalescenza” o per el processo de “Bergeron-Findeisen” (quando parlemo de nuvole fredde) le “micro goccioline” (o i micro cristalli”) i tende a unirse tra de lori fin a formar na gossa abbastansa grossa per averghe un peso sufficiente per cascar e arivar a terra.


El Rainout l’è proprio questo: visto che al principio de tutto ghe el fatto che el “sporco” l’ha fatto da calamita per forma le gosse de pioggia, quando queste gosse le va verso terra, le se tira drio anca el sporco da cui le è nate. Ecco perché spesso dopo n’acqua catemo la macchina sporca lurida e no bela neta, proprio perché l’acqua che casa (almeno all’inizio delle precipitasion) l’è piena de schifesse che le pol essere semplice polver (tipo quella che ariva dal deserto) o inquinanti.


El Washout invece l’avviene SOTTO la nuvola proprio perché l’acqua passando la cata su altre particelle de sporco e la le porta fin a terra lavando ulteriormente l’atmosfera.


Quindi grassie alle piogge se neta l’aria…ma spesso, se la concentrasion de schifo, l’è tanta se sporca la terra con le cosiddette “piogge acide” de cui però parleremo n’altra olta, anca perché la pausa caffè l’è finia


Ciaooooooo e buon appetito!!


 
Nessun commento per questo articolo.
INFORMAZIONE SULL'UTILIZZO DEI COOKIE PER QUESTO SITO. L'utilizzo dei cookies è finalizzato a rendere migliore l'esperienza di navigazione sul nostro sito. Se continui senza cambiare le tue impostazioni, accetterai di ricevere i cookies dal sito che stai visitando. In ogni momento potrai cambiare le tue impostazioni relative ai cookies: in caso le impostazioni venissero modificate, non garantiamo il corretto funzionamento del nostro sito. Alcune funzioni del sito potrebbero essere perse, non riuscendo più a visitare alcuni siti web. Per saperne di più, leggi l'informativa completa qui
ACCETTA